‘Mbretëria’ e politikanëve!

PUBLIKUAR

Familjarët e politikanëve më me ndikim në Kosovë janë në listat e partive politike për deputet në këto zgjedhje. Sipas analistëve, kjo tendencë është për ta shndërruar Kosovën në “mbretëri” të elitës politike, duke e ruajtur kështu ndikimin dhe kontrollin nëpër institucionet vendimmarrëse.

 

Hashim Thaçi është zgjedhur president i Republikës së Kosovës duke hequr kështu dorë nga të gjitha funksionet politike, mirëpo një familjare e tij vetëm sa ka nisur karrierën politike në vend.

Në zgjedhjet parlamentare, që do të mbahen më 11 qershor 2017, në listën e Partisë Demokratike të Kosovës (PDK) për deputet, subjekt politik të cilin deri para një viti e ka drejtuar Thaçi, është mbesa e këtij të fundit, Evgjeni Thaçi-Dragusha.

Për shkak të lidhjeve politike vajza e Gani Thaçit (vëllait të presidentit) ka arritur ta zërë numrin 45 në listën e PDK-së për deputet.

Në listën e këtij subjekti politik për deputet është edhe Mërgim Lushtaku, djali i kryetarit të Skenderajt, Sami Lushtaku, i cili ndodhet në burg.

Po nga e njëjta komunë, Skenderaj, në listën e Lidhjes Demokratike të Kosovës (LDK) për deputet është edhe Fitore Geci, vajza e ish-deputetit të LDK-së Halil Geci.

Edhe kryetari i lëvizjes “Vetëvendosje”, Visar Ymeri, garon për deputet të “Vetëvendosjes” bashkë me mbesën e tij, Adea Batusha.

Ndërsa kreu i AAK-së, Ramush Haradinaj, i cili është kandidat i koalicionit parazgjedhor PDK-AAK-“Nisma”, garon me një listë për deputet bashkë me familjarin e tij Lahi Brahimaj, etj. /Zëri/

SHIKO MË SHUMË

‘‘UÇK, UÇK’’, thirrjet e qytetarëve teksa Jakup Krasniqi largohet nga shtëpia pas vizitës në Kosovë

Jakup Krasniqi ka përfunduar vizitën e tij që e zhvilloi sot në Kosovë. Krasniqi qëndroi...

Presidentja reagon pas aktgjykimit të Speciales, ngrit shqetësime për respektimin e të drejtave të palëve

Presidentja Justina Shiroka-Pula ka regauar pas shpalljesa së aktgjykimit e sotëm në Dhomat e...

Verdikti i Hagës, Pacolli thirrje Kurtit: Lëni anash dallimet, bashkohuni në mbrojtje të së vërtetës

Ish-presidenti i Kosovës, Behgjet Pacolli ka shkruar rreth verdiktit të sotëm të Gjykatës Speciale...