Mbi 19 mijë qytetarë të Kosovës kanë marrë dozën e tretë dhe përforcuese të vaksinës anti-COVID

PUBLIKUAR

Mbi 17 mijë persona në Kosovë kanë marrë tashmë edhe dozën përforcuese të vaksinës anti-COVID-1 në Kosovë, ndërkaq së bashku me mbi 2 mijë të tjerë që kanë marrë dozën e tretë, ky numër shkon në mbi 19 mijë e 500 doza.

Sipas të dhënave të publikuara nga Ministria e Shëndetësisë, vetëm për ditën e sotme janë administruar rreth 2 mijë 800 doza të vaksinës anti-COVID.

Ndërkaq, numri i rasteve të reja me coronavirus po shkon duke u rritur.

Kryeministri Albin Kurti dhe ministri i Shëndetësisë Rifat Latifi, gjatë vizitës në qendrën e vaksinimit në Fushë Kosovë, dy ditë më parë, u bënë thirrje qytetarëve për të marrë dy dozat e para të vaksinës pa vonesë.

Ndërsa, qytetarëve që i kanë marrë dy dozat e para, u bënë thirrje që të marrin doza përforcuese posa të kalojnë 3 muaj nga marrja e dozës së dytë.

Në raportimin e fundit, bazuar në të dhënat e MSH-së, në Kosovë janë 997 raste aktive me coronavirus.

Vetëm gjatë 24 orëve të fundit 144 raste të reja me COVID-19 janë konfirmuar në Kosovë.

 

Komiteti për imunizim të popullatës me vaksinën kundër COVID-19 kishte marrë vendim që ng data 09.12.2021 të fillohet me administrimin e dozës përforcuese dhe dozës së tretë të vaksinës kundër COVID-19 në popullatë.

Po ashtu, MSh-ja ka njoftuar se dozën përforcuese dhe dozën e tretë mund ta marrin të gjithë qytetarët e moshës mbi 18 vjeçare sipas intervaleve kohore për dozat e lartë cekura.

Në Kosovë, të drejtë vaksinimi kanë të gjithë personat mbi 12 vjeç. /Telegrafi/

SHIKO MË SHUMË

Presidentja reagon pas aktgjykimit të Speciales, ngrit shqetësime për respektimin e të drejtave të palëve

Presidentja Justina Shiroka-Pula ka regauar pas shpalljesa së aktgjykimit e sotëm në Dhomat e...

Verdikti i Hagës, Pacolli thirrje Kurtit: Lëni anash dallimet, bashkohuni në mbrojtje të së vërtetës

Ish-presidenti i Kosovës, Behgjet Pacolli ka shkruar rreth verdiktit të sotëm të Gjykatës Speciale...

Policia e Kosovës rikujton: Nga 15 nëntori deri më 15 mars, pajisjet dimërore janë të obligueshme

Policia e Kosovës u ka rikujtuar shoferëve se nga 15 nëntori deri më 15...