Është mbajtur takimi mobilizues i strukturave udhëheqëse të AAK-së VV-së dhe Nisma-s në Lipjan me qëllim koordinimin sa më të mirë për Manifestimin Gjithpopullor kundër Zajednicës dhe Demarkacionit me Malin e Zi. Në këtë takim ishin të pranishëm përfaqësues të të trija subjekteve nga niveli qëndror. Gjatë këtij takimi u formua Këshilli Koordinues i protestes i përbërë nga 6 anëtarë, përfaqësues nga të tri subjektet politike në Lipjan. Manifestimi Gjithpopullor i thirrur nga Opozita do mbahet me datë 28 Nëntor dhe do të jetë tubimi më masovik i mbajtur në vitet e fundit, krejt kjo si rezultat i qëndrimeve të njejta të shumicës dërmuese të qytetarëve të vendit, kundër Marrëveshjeve jo parimore dhe dëmtuese të vendit tonë të nënshkruara së fundi në Bruksel.
Në këtë takim u tha që Manifestimi do të jetë shumë paqësor dhe në të mirën e ruajtjes së substancës së shtetit tonë. Prandaj angazhimi dhe thirrja publike e njërëzve duhet të masovizohet me qëllim që zëri i popullit të ngritet sa më lartë dhe Shteti ynë të fillojë t’i kthehet normalitetit institucional. E kjo mund të arrihet vetëm me tërheqjen e këtyre marrëveshjeve dhe gjetjes së zgjidhjes brenda vendit. Me këto marrëveshje nuk po i ipen më shumë të drejta serbëve lokal por po bëhet instalimi i Serbisë brenda Kosovës.
Prandaj, me datën 28 Nëntor, Ditën e Flamurit, ta rikthejm në ditë të forcimit të shtetit.
Të gjithë në Prishtinë, të gjithë kundër Zajednicës dhe Demarkacionit, thuhet në komunukatë