Sot është mbajtur seanca e tretë e Kuvendit Komunal në Lipjan, kështu është njoftuar përmes faqës zyrtare të Komunës.
U mbajt seanca e tretë e Kuvendit Komunal në Lipjan
Kuvendi Komunal i Lipjanit sot nën udhëheqjen e Kryesuesit Daut Azemi ka zhvilluar punimet e mbledhjes së tretë, mbledhje kjo në të cilën u aprovuan pikat e rendit të ditës të cilat u propozuan për shqyrtim gjatë kësaj seance.
Fillimisht Kryetari Imri Ahmeti ka dhënë sqarime në pyetjet dhe temat e ngritura nga anëtarët e Kuvendit Komunal.
Është prezantuar raporti i shpenzimeve dhe të hyrave Janar – Dhjetor 2021 duke u bazuar në FB të datës 17.01.2022, është dhënë informatë mbi pandeminë nga Drejtorati DSHPS-së, është miratuar propozim vendim për themelimin e Këshillit Komunal për Siguri në Bashkësi – KKSB, propozim vendim për themelimin e Komitetit për Komunitete, propozim vendim për zëvendësimin e anëtarit të Komitetit për Politikë dhe Financa, propozim vendim për themelimin e Komitetit për Shëndetësi dhe Përkujdesje Sociale, propozim vendim për themelimin e Komitetit për Arsim, propozim vendim për themelimin e Komitetit për Kulturë rini dhe Sport.
Po ashtu, gjatë seancës kanë dhënë betimin edhe dy antarët e rinjë të Kuvendit, Gentiana Hoxhaj dhe Venhar Agushi.
