Sot është mbajtur mbledhja Këshillit Komunal për Siguri në Bashkësi e udhëhequr nga nënkryetari i komunës Fauz Xhemajli, ku në rend të ditës ishte siguria e përgjithshme në Komunën e Lipjanit, njofton Komna.
Me këtë rast, zëvendës komandanti i stacionit policor në Lipjan, Metush Jashari, raportoi për gjendjen e sigurisë në territorin e Komunës së Lipjanit. Bazuar në statistikat që u prezantuan dhe gjendjes në terren, gjendja e sigurisë në komunën e Lipjanit u vlerësua nga të gjithë pjesëmarrësit si e qetë dhe mjaftë stabile.
Në vazhdim të kësaj mbledhje, nënkryetari Xhemajli para pjesëmarrësve ka paraqitur edhe disa kërkesa të banorëve që lidhen me aspektin e sigurisë.
Në këtë mbledhje morën pjesë edhe përfaqësues të Forcës së Sigurisë (FSK-së), Organizatës për Siguri dhe Bashkëpunim në Evropë (OSBE) etj.