Në Shkollën e Fillore “ Zenel Hajdini” në Gadime, dhe në Shkollën Fillore “ Hasan Prishtina” Llugaxhi, sot është mbajtur dëgjimi i parë publik për planifikimin e buxhetit lidhur me projeksionet buxhetore për periudhën afatmesme 2015–2017.
Kryetari i Komunës së Lipjanit, Irmri Ahmeti, së bashku me bashkëpunëtorë të tij, sot ka mbajtur dëgjimin e parë publik, mbi kornizën afatmesme buxhetore, qarkorja e parë për vitin 2015-2017.
Kryetari Ahmeti, në bashkëbisedim me banorët e Gadimes tha se, pavarësisht borxheve të mëdha që ka trashëguar Komuna e Lipjanit, po bëhet përpjeke e vazhdueshme për realizimin e projekteve më me prioritet, më me nevojë për banorët e Gadimes.
Ai në këtë rast, ka përmendur projektet të cilat kanë nisur dhe ato që janë në procedim e sipër për banorët e Gadimes së Epërme dhe të Ulët dhe fshatrave të tjera përreth si: ndërtimi i shtratit të lumit, grant i fituar nga Komisioni Evropian, asfaltimi i rrugëve dhe i rrugicave, trotuareve, kanalizimeve etj.
Ahmeti,po ashtu krejt në fund i ka njoftuar të pranishmit se nga 1 shtatori, nxënësit e Gadimeve do ta kenë një autobus ku gjitha shpenzimet do t’i paguajë Komuna, dhe nxënësve do t’iu mundësohet qarkullimi i lirshëm në shkollat e tyre përkatëse.
Ndërsa banorët e fshatit kanë falënderuar kryetarin Ahmeti, për projektet e finalizuara, dhe transparencën e treguar përgjatë diskutimit me ta.
Kreu komunal, po ashtu në dëgjimin e parë publik me banorët e fshatit Llugaxhi, ka thënë se Komuna e Lipjanit, ka arritur marrëveshje financimi me Ministrinë e Administrimit të Pushtetit Lokal ( MAPL), në vlerë të 50.000 eurove, për rregullimin e infrastrukturës rrugore për fshatin Llugaxhi.
Ahmeti po ashtu e ka përmendur edhe palestrën sportive e cila është mbetur në gjysmë, në këtë rast ai ka thënë se, po provohet gjetja e një mundësie, burimi-financiar që palestra të finalizohet sa më shpejt.
Ahmeti po ashtu ka thënë se rishikimi i buxhetit do t’i mundësoi Komunës së Lipjanit, që në gjashtëmujorin e ardhshëm t’i realizoi projektet e futura më me nevojë, më me prioritet, më me urgjencë për banorët e Komunës së Lipjanit./KKlipjan/LipjaniNews/
