Marcelo për humbjet e Realit: Po, i gjithë faji është i imi

PUBLIKUAR

Marcelo është kritikuar shumë nga tifozët e Real Madridit pas disa paraqitjeve të dobëta këtë sezon. Mbrojtësi i majtë brazilian i është përgjigjur me ironi një tifozi, duke thënë se fajin për humbjen ndaj Gironës e ka vetë ai.

Faji i një reagimi shumë të vonshëm të Marcelos, Portu shënoi gol me kokë duke ia siguruar Gironës një fitore tronditëse ndaj Real Madridit të dielën në Santiago Bernabeu, dhe kjo veçse i shtoi dyshimet mbi brazilianin, transmeton Gazeta Express.

Pas ndeshjes, një faqe tifozësh e Real Madridit në Instagram e publikoi një fotografi me rezultatet e nëntë ndeshjeve të fundit të Real Madridit me Marcelon si titullar, prej të cilave vetëm njëra ishte fitore.

Pranë saj ishte edhe një listë me rezultatet e nëntë ndeshjeve të Realit me Sergio Reguilonin si titullar, të gjitha fitore.

Ndërsa, ky ishte përshkrimi i fotografisë: “Përse Marcelo vazhdon të luajë si titullar? Unë e dua atë, ama duhet të jemi real”.

Qartazi i zemëruar, braziliani iu përgjigj atij me ironi: “I gjithë faji është i imi!!! Vazhdojmë”.

/Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...