Manchester United ua ka mësyrë yjeve holandeze.

Trajneri  iri, Erik ten Hag po mundohet t’i afrojë në “Old Trafford” bashkëkombësit e tij, në mënyrë që ta bëjë një ekip sa më të fuqishëm.

Qe një kohë, “Djajtë e Kuq” ia kanë vënë syrin mesfushorit të Barcelonës, Frenkie de Jong.

Palët nuk kanë arritur ende marrëveshje, por United e duan me ngulm ish-futbollistin e Ajaxit, shkruan “Gazeta Express”.

Ai mund të punojë përsëri në “Teatrin e Ëndrrave” me ish-trajnerin e tij, Ten Hag.

Por, atij në Manchester mund t’i bashkohet edhe një tjetër ish-shok skuadre.

Bëhet fjalë për qendërmbrojtësin e Juventusit, Matthijs se Ligt.

Sipas mediumit italian “Corriere dello Sport”, Man Utd e ka rikthyer interesimin për ish-futbollistin e Ajaxit.

Kjo pasi Ten Hag nuk është i kënaqur me atë që e pa në mbrojtje të United në sezonin e kaluar dhe e do një mbrojtës stabil në zemër të mbrojtjes.

Mbetet të shihet nëse Man Utd do të mundë t’i transferojë yjet holandeze në afatin kalimtar të verës. /Gazeta Express