Manchester United raportohet se mund të bëjë një lëvizje për Harry Kane në afatin kalimtar të verës.

Cristiano Ronaldo ka edhe një vit kontratë me klubin anglez, por largimi i tij thuhet se ka gjasa që të ndodhë pas përfundimit të këtij sezoni, transmeton Gazeta Express.

“The Mirror” ka raportuar sot se “Djajtë e Kuq” kanë shprehur interesim për Kane.

Sulmuesi anglez ka rikthyer formën e tij më të mirë nën drejtimin e Antonio Contes në javët e fundit dhe në moshën 28-vjeçare ai do të dëshirojë të transferohet diku ku mund të fitojë trofe.

Man United nuk mund t’ia garantojë momentalisht fitimin e trofeve, por nuk ka dyshime për interesimin e tyre.

Kane thuhet se mund t’i kushtojë klubit anglez 100 milionë funte. Ai ka kontratë të vlefshme me Tottenhamin deri më 30 qershor 2024. /Gazeta Express/