Manchester City ka siguruar kualifikimin për në 1/8 e finales në Kupën FA.

Skuadra e drejtuar nga Pep Guardiola triumfoi sonte kundër Arsenalit, në përballjen e tyre të parë të këtij sezoni, shkruan Gazeta Express.

Ndeshja e zhvilluar sonte në “Etihad Stadium” ishte tejet e fortë dhe e baraspeshuar, teksa u vendos prej vetëm një goli.

“Qytetarët” ishin ata që e festuan në fund fitoren me rezultatin 1:0.

Autor i golit të vetëm në këtë ndeshje ishte Nathan Ake, i cili shënoi në minutën e 64-të.

Manchester City kundërshtarin e radhës do ta mësojë pas tërheqjes së shortit. /Gazeta Express/