Driton Kuka, trajner i Majlinda Kelmendit, ka njoftuar se kampionia e botës në xhudo, të hënën do të shpallet Xhudisjta më e mirë në botë.
Në një postim në rrjetin social Facebook, Kuka ka bërë të ditur se Presidenti i Federatës Botërore të Xhudos, Marius Vizer në Prishtinë do ta shpallë Majlindën si Xhudisten më të mirë në botë për të gjitha kategoritë.
“Të hënën vet Presidenti i IJF Vizer në Prishtinë do Shpall Majlinden Xhudistja më e mirë në Botë në të gjitha kategoritë me 4230 pikë”, ka shkruar ai.
Majlinda në dy garat e fundit të mëdha arriti të dalë e para, si triumfatorja absolute dhe siguroi pjesëmarrjen në lojërat olimpike, ku do të përfaqësojë Kosovën. /Telegrafi/