Trajneri i Drenicës, Tahir Lushtaku pas humbjes 1:0 nga Prishtina ka fajësuar gjyqtarët për siç tha ai referim të njëanshëm dhe tendencioz.
Prishtina fitoi 1:0 në derbin e xhiros së 12-të ndaj Drenicës falë golit të Besnik Krasniqit, shkruan Gazeta Express.
Pas ndeshjes, trajneri i Drenicës, Tahir Lushtaku tha se referimi në këtë ndeshje ishte i njëanshëm dhe tha se fitore të tilla nuk i duhen Prishtinës.
“Më vjen keq s’kisha dashtë të merrem me referë. Por sot ka qenë referim i njëanshëm, tendencioz, ka ndikuar drejtpërdrejt në rezultat. Kjo ka qenë arsyeja kryesore që e humbëm ndeshjen. S’e kemi leju Prishtinën me kriju raste deri te goli. Prishtinës nuk i duhet një fitore e tillë si sot. Prapëseprapë une ia uroj fitoren”, deklaroi Lushtaku.
Me këtë fitore, Prishtina shkon në kuotën e 16 pikëve në vendin e pestë, kurse Drenica mbetet e katërta me 20 pikë. /Gazeta Express/
