Në Lipjan u zhvillua xhiroja e 4-t Pit Power Liga Total ku ne Super Lig u veçua kryendeshja mes Dobrajes dhe KF Avni Ites. Sfidën në fund e fitoi skuadra e kuqe nga Dobraja në një lojë shumë të nxehtë, atraktive por dhe të tensionuar.
Fitorja e Dobrajes ishte shumë e rëndësishme sepse tashmë gjerat janë bërë më të komplikuara ku plot 10 skuadra po luftojnë për një vend në play of. Kështu që pritet një luftë e nxehtë deri në fund te sezonin për të kapuar 6 vendet e para ta kampionatit.
Kronika e ndeshjes Dobraja 2-1 KF Avni Ita
Në epërsi të paret kaluan lojtaret e Dobrajes me dy gola “rrufe” nga Hysen Bytyqi për 2-0. Ndersa pak para fundit të pjesës së parë Kemajl Gashi zvogëloi epersin për 2-1. Ende para se të mbarojë pjesa e parë ndodhi një konfrontim mes Nuhi Gashit dhe Getoart Hysenit ku ndeshja për 10 minuta u ndërpre e më pas gjygjtaret vendosen masat disiplinore ndaj lojtarëve .
Nuhi Gashi u ndëshkua me karton të kuq ndërsa Getoart Hyseni morri kartonin verdh. Në pjesën e dyte Avni Ita tentoi mjaftë shumë të shfrytëzoje avantazhin numerik në fushë por nuk ja doli ndonëse patën disa raste të mira për shënim. Edhe Dobraja provoi në kundërsulme të gjejë golin e nock autit por ai nuk erdhi dhe në fund sfida u mbyll, Dobraja 2-1 KF Avni Ita.
