MPB e Maqedonisë ka filluar hetimin për të punësuarin në LSDM me iniciale A.T i cili dyshohet për pjesmarrjen në një incident që ndodhi tek kafeneja ”Platinum” në Strumicë në orët e mëngjesit, përcjell Telegrafi Maqedoni.

Nga LSDM thonë se edhe pse i punësuar si roje i kryterit të partisë, A.T ka qenë në këtë kafene privatisht dhe jo me detyrë, ata do ta pushojnë përkohësisht nga puna dhe do të presin hetimin e Ministrisë së Punëve të Brendshme.