Lëvizja popullore për Maqedoninë kërkon nga Nikola Gruevski dhe Zoran Zaev, si më përgjegjës për situatën në vend, të kthjellohen, dhe më në fund ta gëzojnë opinionin me faktin që për herë të parë pushteti dhe opozita do të arrijnë unitet të brendshëm për krizën, transmeton Telegrafi Maqedoni.

Para ardhjes së nesërme të ndërmjetësit Johannes Haindl, LPM, apelon deri te Gruevski dhe Zaev ta rishqyrtojnë sjelljen e tyre të deritanishme për të mirën e shtetit dhe popullit, e cila sjellje ka të bëjë me spiunimin reciprok te të huajit, dhe menjëherë të ulen dhe ti zgjedhin çështjet e mbetura kontestuese në terren vendor, me “mendje” vendore dhe unitet vendor politik.

„E shfrytëzojmë këtë rast ti pyesim Gruevskin dhe Zaeevin, vallë nuk është mjaft edukativ shembulli me paraardhësit e tyre Ljupço Georgievski dhe Branko Cërvenkovski të cilët në luftën “atdhetare” të vitit 2001 shkonin te lehtësuesit Perdju dhe Leotar dhe spiunonin njëri-tjetrin, për të cilën gjë pas luftës në 2001, Maqedonia doli e humbur, e poshtëruar dhe e turpëruar”, thuhet mes tjerash në apelin e LPM.