Skuadra e njohur angleze, Liverpool nuk ka arritur të marrë pikë nga udhëtimi në Londër përballë Westa Hamit.

‘The Reds’, janë mposhtur nga vendasit me rezultat të pastër 2-0, falë një ndeshje fantastike nga ‘çekanët’.

Djelmoshat e trajnerit kroat Slaven Bilic, ishin mëtë mirë se mysafirët në çdo aspekt, ndërsa golin e parë e realizuan në minutën e 10-të nëpërmjet mesfushorit Antonio që u shërbye mirë nga Ener Valencia.

Vendasit e përmbyllën pjesën e parë me epërsi minimale 1-0, ndërsa me të filluar pjesa e dytë shënuan edhe golin e dytë në ndeshje.

Ishte ish-sulmuesi i Liverpoolit, Andy Caroll që realizoi për 2-0 pas asistimit nga kapiteni Mark Noble.

Pas kësaj fitore, West Ham e ka kaluar Liverpoolin në tabelë dhe ndodhet në pozitën e pestë me 32 pikë të tubuara, ndërsa skuadra e Jurgen Klopp në pozitën e tetë me 30 pikë. /Telegrafi/