Skuadra angleze Liverpool, pritet të futet në afatin kalimtar të janarit për transferimin e një sulmuesi.

Emri i ri në listën e trajnerit është ai i sulmuesit holandez, Quincy Promes.

Promes është duke kaluar nëpër një formë mjaftë të mirë këtë edicion me Spartakun e Moskës.

Në 11 ndeshje sa ka zhvilluar në elitën e futbollit rus, holandezi ka shënuar pesë gola dhe ka asistuar në gjashtë të tjerë.

Kësisoj Liverpool është duke këmbëngulur për transferimin e tij gjatë janarit.

Sipas medieve angleze, ‘The Reds’ e ka përcjellë nga afër sulmuesin dhe janë të gatshëm të bëjnë një ofertë zyrtare për të.

Besohet se gjiganti anglez për transferimin e reprezentuesit holandez do të ofrojë rreth 35 milionë euro. /Telegrafi/