Deputeti i Listës Serbe në Kuvendin e Kosovës, Nenad Rashiq, në emisionin “Info – Box” të RTV Dukagjini, ka theksuar se Lista Serbe do të dalë me një kandidate të tyre për presidente.
Sipas tij, përveç shefit të Partisë Demokratike të Kosovës (PDK), Hashim Thaçi, për pozitën e shefit të shtetit do “të jetë edhe një femër nga komuniteti serb”, transmeton Telegrafi.
“Ajo që mund të konfirmoj është se kandidatja mund të jetë Vinka Radosavleviq. Ajo është nga Klina. Nuk është figurë politike. Është një person (një femër) me autoritet në komunitetin serb në Kosovë”, ka shtuar Rashiq. /Telegrafi/
