Policia e Kosovës ka bërë të ditur se ka arrestuar një person në fshatin Magure të Lipjanit, i cili bashkë me vëllanë kanë penguar zyrtarët policor në punën e tyre.

“Është arrestuar i dyshuari mashkull K/Shqiptar, pasi që i njëjti së bashku me vëllain e tij, kanë penguar zyrtarët policorë në realizimin e urdhëresës së Gjykatës Themelore në Prishtinë”, thuhet në raport të policisë.

I dyshuari është dërguar në gjykatë për realizimin e urdhëresës dhe pastaj është dërguar në vuajtje të dënimit në burgun e Lipjanit, ndërsa vëllai i tij me vendim të prokurorit pas intervistimit është liruar në procedurë të rregullt.