KKSB- i përbërë nga përfaqësues të RAE nga Magura, bashkësive fetare, të bizneseve, policisë lokale, përfaqësuesve të komuniteteve kroate në Janjevë, përfaqësuesve të komunitetit turk , sot ka mbajtur mbledhjen e shtatë me radhë, nën kryesimin e kryetarit të komunës së Lipjanit z. Imri Ahmeti.
Përveç pikave të tjera të rendit të ditës, KKSB me theks të veçantë ka diskutuar , për pikën e tretë me radhë- “ Raporti për gjendjen e sigurisë në territorin e Komunës së Lipjanit ( PK, DMSh)
Metush Jashari zv. komandat në stacionin policor të Lipjanit, ka thënë se gjendja e sigurisë në komunën e Lipjanit gjatë tre muajve nuk tregon ndonjë shqetësim, duke theksuar se edhe numri i armbajtës tek qytetares lipjanas është në rënie e sipër. Gjithashtu z. Jashari, në këtë takim ka dhënë edhe raportin e detalizuar për 3 mujor shin e parë të këtij viti.
Ndërsa diskutuesit dhanë raportimet dhe rekomandimet e veta përgjatë kësaj periudhe raportuese. Ndër të tjerash në këtë takim anëtarët e KKSB-së ,thanë se detyrë permanente është zgjidhja e problemeve, parandalimi i dukurive negative e sidomos theks të veçantë i dhanë vjedhjeve që po ndodhin në fshatrat e komunës së Lipjanit.