Sulmuesi i Bayern Munichut, Robert Lewandowski, ka joshur interesimin e Real Madridit – ka konfirmuar agjenti i tij.

Futbollisti polak ka shënuar 14 gola në 11 ndeshje këtë sezon në Bundesliga dhe të gjitha klubet e mëdha e duan në skuadër.

Los Blancos janë të interesuar që ta transferojnë 27-vjeçarin në verën e ardhshme.

“Nuk mund të mohosh se ekziston interesim nga Real Madridi”, citon Marca fjalët e agjentit Cezary Cucharsky.

Edhe pse nuk është konfirmuar kontakti direkt mes përfaqësuesve të të dyja palëve, bëhet e ditur se lojtari tashmë ka filluar të mësojë spanjisht. /Telegrafi/