Lionel Messi apo Cristiano Ronaldo? Kjo pyetje është bërë shumë shpesh dikur, por edhe sot, kur ata janë afër t’i varin atletet, vazhdon të bëhet.

Sulmuesi i Bayern Munich, Robert Lewandowski, është i radhës që s’ka mundur t’i ikë kësaj pyetje nga BILD.

Ai ka shpjeguar ndryshimin midis Messit dhe Ronaldos.

“Që kur u bëra profesionist, Messi dhe Ronaldo kanë qenë mbi të gjithë të tjerët. Gjithmonë ka qenë një duel mes tyre. Gjithçka ka të bëjë me llojin e lojtarit që preferoni. Përgjigja për pyetjen (e cila është më e larta) është e vështirë. Unë e respektoj punën e palodhur të Cristiano Ronaldos. Për Messin gjithçka duket e lehtë. Unë mendoj se Cristiano duhet të punojë më shumë për të pasur sukses”, u shpreh Lewa. /Gazeta Express/