Kryetari Komunës së Lipjanit, Imri Ahmeti së bashku me drejtorin e Administratës Komunale Fauz Xhemajli, gjatë ditës së sotme kanë lëshuar në funksion E-Kioskun për lëshimin e dokumenteve të gjendjes civile në mënyrë automatike.
Nga ky aparat qyetarët mund të paisen me 5 lloj dokumente të ndryshme Ekstrakti i Lindjes, Certifikata e Lindjes, Certifikata e Martesës, Certifikata e Shtetësisë dhe Certifikata e Vendbanimit, njofotn Komuna.
Në këtë rast, i pari i Komunës së Lipjanit, Imri Ahmeti, ka thënë se Komuna e Lipjanit me anë të kësaj paisje do të ketë shërbime më efikase e cilësore të cilat janë në funksion të mirëqenies së përgjithshme të qytetarëve të saj.
Të gjithë qytetarët e Kosovës të cilët janë në sistem, mund ta shfrytëzojnë këtë mundësi, 7 ditë 24 orë me çka edhe rradhët nëpër sportele do të pakësohen akoma më shumë, ka thënë ndër të tjera Kryetari Ahmeti.