Lenovo sot ka prezantuar dy pajisje të reja të bazuara në Windows 10.

Njëra prej tyre është një laptop i konvertueshëm – Yoga 900, ndërsa tjetra është një kompjuter personal i llojit All-In-One me ekranin prej 27” – Yoga Home 900 All-in-One PC.

Të dyja modelet e reja të pajisjeve të Lenovo-së do të dalin në shitje në muajin tetor.

Lenovo thotë se Yoga 900 është laptopi më i hollë me procesorin e Intel Core, i cili është njëkohësisht edhe i konvertueshëm, ndërsa për Yoga Home 900 All-in-One PC, kompania ka deklaruar se është pajisje e cila i kushtohet argëtimit në shtëpi, me shumë aplikacione të reja dhe performanca që i duhen një përdoruesi shtëpiak. (Telegrafi)