Ish trajneri i njohur i Milanit dhe kombëtares italiane Arrigo Sacchi i ka shkruar një mesazh kryeministrit të Shqipërisë Edi Rama.

Në mesazhin që ka postuar Rama në rrjetin social Facebook, Sacchi ka lavdëruar kombëtaren e Shqipërisë, duke thënë se lojtarët kuqezi kanë nderuar atdheun e tyre.

Postimi i Edi Ramës në Facebook:

Një sms që mbërriti sot në telefonin tim nga një zotëri i madh i historisë së futbollit botëror:

I dashur Edi,

jam plotësisht dakord me çfarë ke shkruar në letrën tënde për paraqitjet e bukura të djemve të De Biazit. Një grup i vërtetë, sakrifikues dhe i vendosur, që ka luajtur edhe një futboll të mirë. Nga ana tjetër kur njerëzit japin gjithçka, siç ata kanë bërë duke nderuar profesionin dhe atdheun e tyre, meritojnë vetëm lavdërime.

Një përqafim të fortë Arrigo Sacchi