LeBron James ka shkëlqyer në duelin e Cleveland Cavaliers ndaj Charlotte Hornets. Kampionët në fuqi fituan me rezultat 121-109.

Fitorja e Cavs nuk u kontestua në asnjë moment, përkundër një paraqitje monstruoze nga Kemba Walker, i cili shfrytëzoi mungetsën e Irvingt në anën tjetër për të regjistruar plot 37 pikë.

Ai mori përgjigjen e duhur nga LeBron James i cili arriti 32 pikë, gjashtë kërcime e nëntë asistime, i ndihmuar nga Kevin Love me një double double fantastik prej 28 pikë e 10 kërcimesh.

Jordan McRae si talent i ri ndihmoi me 20 pikë, pasuar nga rookie Kay Felder me 13 pikë të tjera.

Me këtë fitore Cavs vazhdojnë të cementojnë pozitën e parë në konferencën Lindore. /Telegrafi/