Lazio ka siguruar shërbimet e mbrojtësit Stefan de Vrij nga Feyenoordi.

22-vjeçari bëri paraqitje të mira me Holandën në Kampionatin Botëror duke luajtur në të gjithë ndeshjet e asaj përfaqësuese.

Drejtori për komunikim me media i Biancocelestëve, Stefano De Martino, ka thënë se pas nënshtrimit të testeve mjekësore, holandezi do ta nënshkruajë kontratën me klubin e ri.

“E mirëpresim me kënaqësi mbrojtësin më të mirë në Kampionatin Botëror”.

“Ai është një transferim i nivelit ndërkombëtar”, ka deklaruar De Martino për Lazio Style Radio.

Lazio do të paguajë nëntë milionë euro për futbollistin që ishte shënjestër edhe për Manchester Unitedin. /Telegrafi/