Mesfushori italian, Andrea Pirlo e ka konfirmuar se do të pensionohet nga futbolli në fund të këtij viti
Andrea Pirlo e ka konfirmuar se do të pensionohet nga futbolli, kur të skadojë kontrata e tij me skuadrën amerikane, New York FC.
Italiani këtë sezon ka pasur probleme të shumta me lëndime dhe beson se ka ardhur koha për t’u përshëndetur nga futbolli.
“Ju e ndjeni kur vjen momenti i pensionimit. Çdo ditë keni probleme fizike dhe nuk mund të stërviteni ashtu siç do të dëshironit, sepse gjithnjë keni ndonjë problem”, tha Pirlo për La Gazzetta dello Sport.
“Lojtarët më të rinj duhet të luajnë. Në moshën 38 vjeçare, është koha e duhur për t’iu lënë hapësirë lojtarëve më të rinj”. /Express/
