Frank De Boer i ka ditët e numëruara në Inter. Ndeshje me Torinon, e cila luhet sonte, mund të jetë e fundit për holandezin në krye të Nerazzurrëve.

Sipas të përditshmes sportive franceze, L’Equipe, drejtuesit e Interit janë në bisedime me trajnerin francez, Laurent Blanc.

Ky i fundit është i lirë pasi gjatë verës që shkoi e ka shkëputur kontratën me Paris Saint-Germain, përcjell Express.

Blanc, i cili ka drejtuar Francën dhe   Bordeaux, ka qenë lojtar i Interit në mes të viteve 1999-2001.

Kurse, sipas mediave italiane kandidat për ta marrë drejtimin e Interit janë edhe Andrea Mandorlini, Francesco Guidolin dhe Edy Reja. /Express/