Arlind Ajeti pritet të largohet nga Torino në fund të këtij sezoni
Mbrojtësi i Kombëtares shqiptare, Arlind Ajeti, nuk ka të ardhme në Torino, shkruan Calciomercato.com, përcjell Express.
Trajneri Sinisa Mihajlovic si duket nuk është i kënaqur me ish mbrojtësin e Frosinones, të cilit ia dha rastin në disa ndeshje.
Trajneri serb në ndeshjen e fundjavës ndaj Cagliarit, para Ajetit, ka inkuadruar mbrojtësin brazilian, Carlao.
Ky i fundi ishte transferuar në Torino gjatë verës nga APOEL, por shkaku lëndimeve nuk kishte luajtur deri më tani. Kështu, largimi i Ajetit në verë nga Torino është shumë i mundshëm. /Express/
