Frank Lampard ka regjistruar një rekord negativ si trajner i Chelseat.

“Blutë” pësuan humbje nga Real Madridi edhe në ndeshjen e dytë çerekfinale në Ligën e Kampionëve, shkruan Gazeta Express.

Ashtu si ndeshja e parë në “Santiago Bernabeu”, edhe në “Stamford Bridge” ndeshja u mbyll 0:2 në të mirë të “Los Blancos”, që siguruan kalimin për në gjysmëfinale.

Kjo ishte ndeshja e katërt e londinezëve me trajner Lampardin, si dhe humbja e katërt radhazi.

Kësisoj, 44-vjeçari bëhet trajneri i parë i Chelseat që nuk ka fituar asnjë nga katër ndeshjet e tij të para.

/Gazeta Express/