Cristiano Ronaldo nuk do të jetë pjesë e skuadrës së Manchester United për ndeshjen e së shtunës kundër Chelsea.
Sulmuesi portugez u largua nga Old Trafford para përfundimit të fitores së së mërkurës në Premier League ndaj Tottenhamit, shkruan Gazeta Express.
Ndonëse nuk u dha arsyeja, sjellja e tij në përfundim të ndeshjes duket të jetë motivi që ka çuar “Djajtë e Kuq” në këtë vendim.
“Cristiano nuk do të jetë pjesë e skuadrës së Man United për ndeshjen e kësaj të shtune kundër Chelseat. Pjesa tjetër e skuadrës është plotësisht e përqendruar në përgatitjen për atë ndeshje”.
