Ermir Lenjani ka vazhduar formën e tij të mrekullueshme me Kombëtaren e Shqipërisë.

Mbrojtësi i majtë që tek Shqipëria po luan më i avancuar, ka arritur të shënoi golin e tretë me fanellën e Kombëtares së Shqipërisë, pasi më parë kishte shënuar edhe ndaj Danimarkës dhe Austrisë.

26-vjeçari nga Kamenica zhvilloi një ndeshje të bukur ndaj Katarit dhe shënoi një gol edhe më të bukur për t’ia dhënë epërsinë e parë Shqipërisë pas disavantazhit.

Ai ka postuar një foto në faqen e tij zyrtare në Facebook, ku ka thënë se është kënaqësi kur të shënosh për Kombëtaren.

“Test i mirë ndaj Katarit ku shënuam fitore. Kënaqësi e madhe kur shënon për Kombëtaren dhe ndihmon shokët për fitore”, shkroi Lenjani. /Telegrafi/