Sulmuesi Agon Mehmeti është shqiptari i vetëm që ka siguruar fazën në grupe të Champions League, të paktën për 24 orë, deri në pritje të ndeshjes Leverkusen-Lazio, ku Berisha dhe Cana kanë shanset e tyre pas fitores 1-0 në Romë.
Kosovari Mehmeti luan me ekipin e Malmo të Suedisë, teksa arriti të fitojë 2-0 kundër Celtic, duke përmbysur humbjen e ndeshjes së parë 2-3 në Skoci, transmeton Telegrafi.
Sulmuesi 25-vjeçar shqiptar u fut në lojë në kohën shtesë të ndeshjes së sotme.
Kujtojmë që Mehmeti është aktivizuar 3 ndeshje me Kombëtaren shqiptare, ndërsa ka luajtur me Palermon, Novarën, Olhanensen, për t’u rikthyer aty ku e nisi karrierën te Malmo. /Telegrafi/
