Në garën për kreun e Partisë Demokratike të Kosovës (PDK), nuk do të jetë vetëm u.d. i kryetarit të kësaj partie, Kadri Veseli.
Pozitën e e kryetarit të PDK-së, e synon edhe anëtari i Konventës së PDK-së, Sylejman Kerolli.
Kerolli ka thënë për Telegrafin se këtë vendim e mori për shkak se beson se partia e tij është demokratike dhe e hapur për të pranuar kandidaturën e secili anëtar.
“Se cilat janë gjasat e mija për këtë pozitë, do të presim ta shohim më 7 maj, ditën kur pritet të zgjidhet kryetari i ri i partisë”, ka theksuar ai.
Kerolli ka sqaruar se ai me profesion është ekonomist dhe tash e sa kohë edhe i angazhuar në sektorin bankar, por më herët ka qenë i angazhuar edhe në arsim.
“Unë jam nga komuna e Skenderajt dhe jam anëtar i PDK-së që prej themelimit të saj”, ka shtuar ai.
E sekretari i Partisë Demokratike të Kosovës (PDK), Basri Musmurati, ka theksuar për Telegrafin se ende askush nuk e ka paraqitur zyrtarisht kandidaturën e tij për të parin e PDK-së, por se pritet që në ditët në vijim pritet të ndodhë kjo. /Telegrafi/