Michael Reschke në vitin 2014 ka marr rolin e drejtorit teknik të skuadrës së Bayern Munichut, ku ka ndërtuar një marrëdhënie të fortë me trajnerin në largim, Pep Guardiolën.

Ky i fundi po këmbëngul që ta merr me vete edhe në skuadrën angleze të Manchester Cityt, sipas Bild.

Reschke 58-vjeçar është përkushtuar rreth zbulimit të talenteve të ri për gjigantin gjerman, ku deri më tani ka arritur të sjell te skuadra bavareze mesfushorët, Arturo Vidal (Juventus) dhe Douglas Costa (Shakhtar Donetsk), transmeton Telegrafi.

Reschke u emërua në postin e lartpërmendur në vitin 2014, duke i dhënë fund aventurës 35-vjeçare me Bayer Leverkusen, ku ishte i zënë me një sërë rolesh duke filluar nga stërvitja e të rinjve dhe punën e menaxherit të përgjithshëm.

Kujtojmë se Guardiola do të merr drejtimin e skuadrës së Cityt gjatë verës, ndërsa Bayern Munich do të udhëhiqet prej trajnerit italian, Carlo Ancelotti. /Telegrafi/