Theo Walcott beson se skuadra aktuale Arsenalit është më e fuqishme se ajo e vitit 2006 kur anglezi nënshkroi për Topçinjtë.
Asokohe për Arsenalin luanin emra, si Thierry Henry, Robert Pires, Freddie Ljungberg e Dennis Bergkamp, mirëpo 25-vjeçari thotë se aktualisht Arsene Wenger ka më shumë opsione në fazën ofensive.
“Danny (Welbeck) është i varur nga puna – ai vrapon dhe angazhohet shumë për skuadrën. Ka shumë opsione, ndërsa edhe Alex (Oxlade-Chamberlain) po luan mirë”.
“Jam edhe unë që po kthehem, pastaj janë në mesfushë emra, si Aaron (Ramsey) e Jack (Wilshere). Trajnerit i shkakton kokëçarje kur ka aq shumë opsione të shkëlqyera në ofensivë”.
“Kur erdha këtu, ishin Pires e Ljungberg, Bergkamp, Thierry e (Jose Antonio) Reyes – një fuqi vërtet e madhe sulmuese. Por, unë mendoj se kjo skuadër e mposht atë, megjithatë fillimisht duhet ta dëshmojmë (duke fituar trofe)”, ka deklaruar Walcott. /Telegrafi/
