Kuvendi Komunës së Lipjanit, udhëhequr nga Kryesuesi Kuvendit Komunal, Daut Azemi ka mbajtur mbledhje ku janë diskutuar pikat e propozuara, njofton Komuna.
Mbledhja është mbajtur në ambientet e Gjimnazit “Ulpiana” në Lipjan, kështu duke respektuar distancën dhe rekomandimet e Institutit Kombëtar të Shëndetit Publik.
Kryetari Komunës së Lipjanit, Imri Ahmeti është përgjigjur shumë pyetjeve që kanë ngritur antarët e kuvendit, rreth situatës së krijuar në Lipjan nga virusi COVID-19.
Po ashtu i pari i Komunës së Lipjanit ka propozuar edhe dy pika të tjera të rendit të ditës, si dhe ka prezantuar raportin vjetor Janar-Dhjetor 2019 të zyrës së Kryetarit dhe Drejtorateve Komunale.
Nga Drejtoria për Buxhet dhe Financa është prezantuar raporti i të hyrave Janar-Mars 2020, thuhet tutje.
Gjatë kësaj seance janë miratuar gjitha pikat e rendit të ditës si:
Propozim vendim për ndarjen e bursave për student të Komunës së Lipjanit,
Propozim vendim për zëvendësimin e antarëve të Këshillit Komunal për Siguri dhe Bashkësi-KKSB.
Propozim vendim për shpalljen e Halil Kastratit, qytetarë nderi i Komunës së Lipjanit,
Propozim vendim për ndarjen e mjeteve financiare për punëtoret e Komunës së Lipjanit që kanë punuar në teren gjatë pandemisë COVID-19.
