Ndonëse në sallën e Kuvendit të Kosovës ishte lëshuar gazi lotsjellës, kryetari i Kuvendit, Kadri Veseli ka lexuar deklaratën, me anë të së cilës Kuvendi dënon vendimin e gjykatave në Serbi për dënimin e ish luftëtarëve të UÇK-së.

Në deklaratën e Kuvendit, e cila u votua me 79 vota pro, thuhet se Kuvendi i Republikës së Kosovës shpreh shqetësimin rreth dënimit të ish-ushtarëve të UÇK-së.

Sipas Kuvendit, dënimet e tilla janë politike dhe ndikojnë në marrëdhëniet Kosovë-Serbi.

“Ato janë pa ndikime juridike”, thuhet në deklaratë.

Veç kësaj kërkohet nga Europol dhe Interpol që të mos i pranojnë ato.

Gjithashtu kërkohet nga institucionet vendore që të merren masat e duhura. /Telegrafi/