Kreu i Qeverisë së Kosovës, Albin Kurti e ka nisur sot ditën me një takim me ambasadorin e Gjermanisë në Kosovë, Jorn Rohde.
Siç ka njoftuar ZKM, Kurti dhe Rohde kanë folur për raportet në mes të dy shteteve, temat aktuale dhe zhvillimet e fundit në vend.
Rohde në këtë takim është kujdesur që t’ia dhurojë Kurtit edhe një kopje të librit “Gjermania dhe Kosova: Historia e një partneriteti” e autorëve Enrico Sweewald dhe Urs Unkauf, ku përshkruhet historiku i raporteve në mes të dy shteteve dhe dy popujve.
Kurti e ka falënderuar ambasadorin për librin dhe për bashkëpunimin dhe për përkrahjen e vazhdueshme.
“Krahas falënderimit për librin, kryeministri e falënderoi ambasadorin Rohde për bashkëpunimin e afërt, dhe shtetin gjerman për mbështetjen e vazhdueshme ndaj Kosovës”, thuhet në njoftimin e ZKM-së./Express/
