Sulmuesi brazilian Ronaldo e vizitoi skuadrën e LA Galaxy të martën dhe u takua më kënd tjetër përpos “luanin” e vetëshpallur, Zlatan Ibrahimovicin.
Sulmuesi suedez pati rastin të takohej dhe të pozonte me njërin prej sulmuesve më të mëdhenj që e kanë hijeshuar lojën e futbollit – Ronaldon. Me 352 gola në 518 ndeshje në karrierën e tij, ylli i Kupës së Botës më 2002 dhe dy herë fituesi i Topit të Artë, është futur në histori si njëri prej futbollistëve më frytdhënës, transmeton Gazeta Express.
Daily Mail raporton se braziliani ishte pyetur me shkak nga shefi i Galaxy, Sigi Schmid, të luajë për skuadrën e tij, ndaj të cilës ai u përgjigj: “Në rregull, më lejo të stërvitem pak më shumë dhe për ndeshjet e play-off mbase do të vij me 10 kilogramë më pak”.
Ronaldo, i lumtur që ka takuar Ibrën, e ka postuar një fotografi nga ai takim në Instagram. /Express/