Kuçi flet për prapaskenat e 17 shkurtit: Kishim informacione se komuniteti serb do të zhvendosej në formë të refugjatëve për të prishur imazhin e Kosovës

PUBLIKUAR

Kosova shpalli pavarësinë më 17 shkurt të vitit 2008, nëntë vjet pasi ndërhyrja e NATO-s i dha fund pushtimit të Serbisë, që vetëm në luftën e fundit shkaktoi mbi dhjetë mijë të vrarë dhe mijëra të zhdukur.

Kosova është në prag të festimit të përvjetorit të 14-të të shpalljes së pavarësisë.

Ish-zëvendëskryeministri Hajredin Kuçi në RTV Dukagjini ka rrëfyer disa nga prapaskenat e atyre ditëve.

Ai thotë se kishte një dakordim me partnerët ndërkombëtarë që data të mbahej sekrete.

“Data nuk ishte e rastësishme. Ajo është ditur pothuajse dy muaj para. Megjithatë ne kemi qenë të kujdesshëm që këtë sekret publik të mos e nxjerrim. Kishim informacione që komuniteti serb do të zhvendosej në formë të refugjatëve e që do të krijohej një imazh jo i mirë për Kosovën. Kishte edhe shqetësime në aspektin e sigurisë që mund të krijonin serbët e që do të ishte një imazh jo i mirë në Ditën e Pavarësisë”, tha ai, përcjell Telegrafi.

Kuçi thotë se edhe dita e diel nuk ishte e rastësishme, por sipas tij opsion ishte edhe e hëna paradite.

Ish-zëvendëskryeministri thotë se kishte një koordinim të shkëlqyer mes krerëve të institucioneve deri te shpallja e pavarësisë pavarësisht se ishin nga subjekte të ndryshme politike./

SHIKO MË SHUMË

Moti për javën e ardhshme, e hëna nis me vranësira dhe shi

Instituti Hidrometeorologjik ka dhënë detaje mbi parashikimin e motit për javën e ardhshme në...

Operacion i madh policor në Prishtinë: Gjashtë persona në pranga, sekuestrohen mbi 300 mijë euro asete

Policia e Kosovës ka njoftuar se më 14 nëntor 2026 ka realizuar një operacion...

Më 17 nëntor shpallet aktgjykimi ndaj Thaçit dhe të tjerëve, për rastin e administrimit të drejtësisë

Të martën e 17 nëntorit, me fillim nga ora 10:00, do të mbahet seanca...