Mbrojtësi i Paris Saint-Germainit, Dani Alvez, ka thënë se do të kthehej te Barcelona pamenduar dy herë nëse do të kishte ftesë nga klubi për ta bërë një gjë të tillë.
Përfaqësuesi brazilian e braktisi Barcelonën për kampionin italian, Juventus, më 2016 pasi fitoi 23 tituj në “Camp Nou”, transmeton Gazeta Express.

Më pas, Alves iu bashkua PSG-së në Ligë 1 në vitin 2017, por tani ka refuzuar ta hedhë poshtë kthimin në Barcelonë, përkundër rrethanave të largimit të tij.

“Barcelona është shtëpia ime”, ka thënë 34-vjeçari për Globo TV. “Është e pamundur të them se nuk do të kthehesha”, shtoi ai.

“Do të kthehesha nesër nëse Barcelona do të më thërriste”, theksoi ai. /Express/