Kryetari Ahmeti, së bashku me Ministrin e FSK-së Haki Demolli, Ministrin e Mjedisit dhe Planifikimit Hapësinor, Ferid Agani dhe komandantin e FSK-së Kadri Kastrati, vizituan aksionin e gjurmimit të FSK-së, për gjetjen e 12 vjeçarit të zhdukur nga Ruvci i Vjetër.
9 shkurt 2015- Me rastin e fundit të vërshimeve të shiut, kreu komunal, Imri Ahmeti së bashku me Ministrin e FSK-së Haki Demolli, Ministrin e Mjedisit dhe Planifikimit Hapësinor, Ferid Agani, dhe komandantin e FSK-së Kadri Kastrati, sot vizituan aksionin e gjurmimit të FSK-së në Ruvc të Vjetër, e si pasojë e gjithë kësaj që nga dita e premte është zhdukur 12 vjeçari Arlind Gashi.
Ministri i FSK-së, Haki Demolli, përveç urimeve që ndau me familjar për gjetjen e 12 vjeçarit të zhdukur, ai falënderoi ekipet e FSK-së për angazhimin e treguar dhe kërkoi shtim të intensitetit të aksionit edhe më tutje.
Ndërsa, kryetari Ahmeti, ashtu siç kishte deklaruar edhe sot, në mbledhje të KD, tha se komuna e Lipjanit së bashku me forcat e FSK-së që nga dita e premte janë në kërkim të Arlindit të zhdukur.
“ Komuna e Lipjanit, ka ndarë 1800 euro nga fondi për subvencione për kategori sociale, për familjen e Arlind Gashit, i cili është zhdukur nga reshjet e fundit të shiut” , tha kryetari Ahmeti.
Po ashtu ai theksoi se po zhavorrohet rruga në Ruvc të Vjetër, në mënyrë të ju krijojë lehtësira banorëve të këtij fshati, që janë prekur nga reshjet e fundit.
