14 tetor 2014- Në një takim të organizuar nga drejtori dhe mësimdhënësit e Shkollës Fillore“ Kadri Beba” nga fshati Ribar i Madh, i Komunës së Lipjanit, sot kanë vizituar Kuvendin Komunal, dhe janë mirëpritur nga kryetari i Komunës, Imri Ahmeti dhe drejtori i Arsimit në Lipjan, Rasim Hasani.
Kryetari Ahmeti, para 50 nxënëse të Shkollës Fillore “ Kadri Beba”, ka folur për përbërjen e Komunës së Lipjanit, përgjegjësitë e Kuvendit, detyra që kryhen në drejtoritë komunale, aktivitetet dhe punët e shumta që bëhen në dobi të qytetarëve të Komunës së Lipjanit.
Ahmeti po ashtu një pjesë të konsiderueshme u ka kushtuar edhe përgjegjësive dhe nevojave që kanë nxënësit, përderisa ka bashkëbiseduar me ta.
Në fund të takimit në bufenë e Komunës, është shtruar edhe një koktej rasti, njofton komuna e Lipjanit/LipjaniNews/
