Kryetari i Komunës, Imri Ahmeti, ka marrë Vendim për zgjatjen e orarit të punës subjekteve të biznesit përkatësisht shërbimet e gastronomisë të cilat ushtrojnë veprimtarinë e tyre brenda territorit të qytetit të Lipjanit deri në ora 24:00 duke filluar nga 17.07.2024 deri me datën 01.09.2024, njofton Komuna.
Me këtë vendim përcaktohet zgjatja e orarit të punës për sezonën verore e cila ndërlidhet me fluksin e ardhjes së bashkë atdhetarëve nga diaspora.
Zgjatja e orarit të punës të subjekteve të biznesit nuk nënkupton edhe zgjatjen e orarit të punës të punëtorëve më shumë se 8 orë pune në ditë.
Subjektet e lartëcekura gjatë kësaj periode obligohen që pas orës 23:00 ta ndalin zërin e muzikës.
