Kryetari Komunës së Lipjanit, Imri Ahmeti ka komentuar deklarimet e fundit rreth Bashkësisë Islame në Lipjan.

Kryetari Ahmeti ka thënë se janë deklarata individuale dhe nuk përmbajnë qëndrime të LDK-së dhe as të grupit parlamentar të LDK-së.

“Janë deklarata individuale dhe nuk janë qëndrime politike të LDK as të grupit parlamentar  të LDK-së. Ne vlerësojmë lart kontributin e BI ne Lipjan, bashkëpunimi dhe relacionet tona me BI janë të mira dhe nuk mundet asnjë deklaratë e kujtdo të afektoj këto raporte”, tha Kryetari Ahmeti.

“Vlerësojmë që BI në Lipjan është akter kyç në zhvillimet e shoqërisë dhe jemi falënderues për bashkëpunimin dhe angazhimin e përbashkët në të gjitha proceset”, ka pohuar ai.

/LipjaniNews/