Marshutes së të rinjve me biçikleta, e cila u organizua nga drejtoria për Kulturë Rini dhe Sport, së bashku me qendrën rinore “ Vizioni Rinor Janjeva” , iu është bashkuar edhe kryetari i komunës së Lipjanit, Imri Ahmeti, me bashkëpunëtorë të tij.
Kryetari Ahmeti, tha se “ Java e kulturës” e cila po shënohet nën kujdesin e tij, që nga një qershori e deri më tash, po manifestohet me aktivitete të ndryshme sensibilizuese.
Ai sot, duke iu paraprirë grupit të çiklistëve nga Qendra e kulturës “ Tahir Sinani” deri te Shpella e Gadimes, tha se, ky udhëtim i përbashkët është simbolikë e përdorimit të biçikletave, dhe i ftoi qytetarët t’i bashkohen, në këtë ditë sensibilizimi.
