Kompania Rajonale Ujësjellësi “Mitrovica” ka bërë të ditur se kushtet atmosferike dhe reshjet e mëdha të shiut që po mbretërojnë tani, po ua pamundësojnë prodhimin dhe trajtimin e ujit në impiantet në Shipol dhe Balincë.

“Shprehim keqardhjen tonë të thellë për këtë situatë të pakëndshme, por niveli i lartë i turbullshmërisë nuk lejon që të vazhdojmë me prodhimin”.

“Në momentin që niveli i turbullushmërisë të ujit të papërpunuar të bie, ne do të fillojmë prodhimin në impiantet tona. Kërkojmë mirëkuptimin tuaj!”, thuhet në njoftim, transmeton Klankosova.tv.