Kroos nuk ngutet për rinovimin e kontratës me Realin

PUBLIKUAR

Toni Kroos erdhi te Real Madridi në vitin 2014. Ai la pas Bayern Munich, duke mbërritur në klub si fitues i Kupës së Botës dhe që nga dita e parë ai tregoi një përkushtim përtej çdo dyshimi.

Gjermani ka vazhduar të jetë një pikë referimi për Los Blancos. Gjithçka në heshtje, me punë dhe respekt, të cilën ai e ka treguar edhe një herë këtë sezon kur drejtuesit e Real Madridit i ofruan vazhdimin e kontratës, e cila skadon në vitin 2023, edhe për një vit.

Kroos nuk hezitoi dhe tha se nuk ishte koha, pasi fillimisht dëshiron të dijë se si ndihet përpara sezonit të ardhshëm përpara se të angazhojë klubin me një vit tjetër kontratë.

Përgjigja e tij ishte e sinqertë, jo sepse kishte dyshime për performancën e tij të mundshme, por nga parimi i besnikërisë ndaj Real Madridit.

Kroos thjesht preferon të presë, për të parë se çfarë i thonë trupi dhe koka e tij përpara se të angazhohet në Real Madrid, sepse ai nuk dëshiron të përfundojë si barrë për klubin.

32-vjeçari është i lumtur në Madrid, pasi po shijon futbollin dhe stilin e jetës. Mbi të gjitha, ai ka parime dhe ato janë besnikëria ndaj simbolit që ka mbrojtur që kur zbarkoi në kryeqytetin spanjoll.

Ai ka deklaruar në më shumë se një rast se nuk ka ndërmend ta zgjasë karrierën e tij si lojtar për një kohë të gjatë dhe se do të dëshironte ta përfundonte atë në Real Madrid.

Kroos nuk i ka krijuar asnjëherë probleme klubit dhe rinovimi i tij i fundit u zgjidh pa negociata të gjata. Kjo ishte ajo që dëshironin të dyja palët dhe marrëveshja u përfundua shpejt.

Kroos nuk e ka humbur kurrë statusin e tij si titullar që kur mbërriti në Estadio Santiago Bernabeu.

Carlo Ancelotti e konsideron ish-lojtarin e Bayernit si të domosdoshëm, lojtarin e aftë për të sjellë topin përpara dhe për t’i nisur gjërat me vizionin e tij të jashtëzakonshëm dhe aftësinë e pasimeve ./Gazeta Express/

LAJME TË TJERA

Rritja alarmante e rasteve me Covid-19, Instituti del me një apel për qytetarët

Pas rritjes alarmante të rasteve me Covid-19 në Kosovë, Instituti Kombëtar i Shëndetësisë Publike...

MASHTI distancohet nga përzgjedhja e anëtarëve të Këshillit Drejtues të UP-së

Ministrja e Arsimit, Shkencës dhe Teknologjisë, Arbërie Nagavci, ka deklaruar se ministria që drejton...

Bashkësia Islame e Kosovës nënshkruan marrëveshje për pranimin e 25 tonë hurmave nga Arabia

Kryetari i Bashkësisë Islame të Kosovës, Naim Tërnava, ka pritur në takim ambasadorin e...

Mbappe bëhet shkak i largimit të Neymarit nga PSG-ja?

Nuk ka paqe në shtëpinë e Paris Saint-Germainit. Pas vazhdimit të kontratës së Kylian Mbappes...

SHIKO MË SHUMË

Mbappe bëhet shkak i largimit të Neymarit nga PSG-ja?

Nuk ka paqe në shtëpinë e Paris Saint-Germainit. Pas vazhdimit të kontratës së Kylian Mbappes...

Marrëveshja afër finalizimit, Jovic drejt klubit italian

Fiorentina raportohet se është afër kompletimit të huazimit të Luka Jovicit. Sipas ekspertit të transferimeve,...

Yjet pa kontrata që mund t’i marrin klubet “gratis”

Brenda pak ditësh, shumë futbollistë në Evropë do ta marrin statusin e “lojtarit të...